Sakataren Masarautar Kano Mahmud Bayero ya rasu

Za a yi jana’izar Alhaji Mahmudu Aminu Bayero da karfe 2.00 na rana a Kofar Kudu

Sakataren masarautar Kano, Alhaji Mahmud Aminu Bayero ya rasu.

Ya rasu yana da shekaru 82 a duniya bayana wata doguwar jinya a Asibitin Kashi na Dala dake Kano.

• Tsohon babban alkalin Kano Shehu Atiku ya rasu
• Biyu babu a masarautar Kano

Da yake tabbatar da labarin, daya daga cikin ‘ya’yan mamacin, Ahmad Aminu Bayero ya ce marigayin ya rasu ya bar ‘ya’ya 12 da kuma jikoki da dama.

A cewarsa, marigayin ya shafe sama da shekaru 50 a masarautar kuma ya rike mukamai da dama a cikinta.

“Da farko dai ya rike makamin babban sakataren sarkin Kano, marigayi Ado Bayero daga bisani ya zama sakataren masarautar gaba daya,” inji Ahmad.

An dai gudanar da jana’izar marigayin ne a fadar sarkin Kano dake Kofar Kudu kuma tuni aka binne shi kamar yadda addinin Musulunci ya tanada.