Sallar Idi: Sarkin Zazzau Ya Nesanta Kansa da Sanarwar Limamin Masarauta

Masarautar Zazzau a jihar Kaduna ta nesanta kanta da sanarwar da yawunta babban limamin masarautar ya bayar na cewa za a yi Karamar Sallah a ranar Asabar 23, ga watan Mayu. Kwamitin ganin wata na masarautar ya ce bai ba da umarnin jama’a su ajiye azumin watan Ramadan a ranar Asabar 23 ga watan Mayun […]

Masarautar Zazzau a jihar Kaduna ta nesanta kanta da sanarwar da yawunta babban limamin masarautar ya bayar na cewa za a yi Karamar Sallah a ranar Asabar 23, ga watan Mayu.

Kwamitin ganin wata na masarautar ya ce bai ba da umarnin jama’a su ajiye azumin watan Ramadan a ranar Asabar 23 ga watan Mayun shekarar 2020 ba.

“A saboda haka Sarkin Zazzau Alhaji Shehu Idri  ke kira ga jama’ar Musulmi a masarautar su bi umarnin Mai alfarma Sarkin Musulmi wanda shi  Allah Yaa dora wa hakkin  sanar da ganin watan Ramalan da Shawwal,” inji Kwamitin.

• Yau Shaikh Dahiru Bauchi Ke Sallar Idi
• An bukaci a yiwa Sarkin Musulmi biyayya a yankin Yarbawa

Shugaban Kwamitin Alhaji Ibrahim Muhammad Aminu, Wazirin Zazzau ya bayyana hakan a daren Juma’a.

Sanarwar da ya rattaba wa hannu, ta ce ce sanarwar da Limamin Zazzau Malam Dalhatu Kasimu Imam ya bayar, ba da sahalewar masarautar Zazzau ba ne.

A bana Birnin Zariya da ma kafatanin jihar Kaduna ba za a yi sallar Idi ba, a yunkurin da gwamnan jihar Malam Nasiru El-Rufa’i yake na kare yaduwar annobar coronavirus a jihar.

A daren Juma’a ne Mai Alfarma Sarkin Musulmi Muhammad Sa’ad Abubakar ya sanar cewa za a cike azumin Ramadan 30 saboda ba a samu rahoton ganin jinjirin watan Shawwal