Sarki Sanusi II ya soma zaman fada a Kano
Wasu kwamishinoni da muƙarraban gwamnatin Kano na daga cikin mutanen da ke kai gaisuwa.
Lokacin da Sarki Sanusi ke fitowar shiga fada
Sarki Muhammadu Sanusi II ya soma zaman fada karon farko bayan mayar da shi karagar mulki da Gwamnatin Kano ta yi.
Bayanai sun ce Sarkin ya fito daga gidan sarki a kan doki inda ya zarce fada domin fara zaman fadanci.
Magoya bayan sarkin da dama ne suka taru a lokacin da ya fito, inda suke miƙa caffa da gaisuwa ga sarkin.
Da shigarsa, Sarkin Muhammadu Sanusi II ya hau kan karagar mulki, inda hakimai suka riƙa kai gaisuwa tare da mubaya’a ga sabon sarkin.
Wasu kwamishinoni da muƙarraban gwamnatin Kano na daga cikin mutanen da ke kai gaisuwa ga sabon sarkin a fadarsa.