Sarkin Jere Sa’ad Usman ya rasu

Allah Ya yi wa Mai Martaba Sarkin Jere da ke Jihar Kaduna, Dokta Sa’ad Usman, rasuwa bayan ya sha fama da rashin lafiya sakamakon raunin da ya yi yayin wani rikici a yankin. Kanin marigayin, Aminu Jere, shi ya sanar da rasuwar Sarkin. “Inna Lillahi Wa Inna Ilaihi Rajiun. Yanzun nan na yi rashin dan […]

Allah Ya yi wa Mai Martaba Sarkin Jere da ke Jihar Kaduna, Dokta Sa’ad Usman, rasuwa bayan ya sha fama da rashin lafiya sakamakon raunin da ya yi yayin wani rikici a yankin.

Kanin marigayin, Aminu Jere, shi ya sanar da rasuwar Sarkin.

“Inna Lillahi Wa Inna Ilaihi Rajiun. Yanzun nan na yi rashin dan uwana Sarkin Jere, Dokta Sa’ad Usman”, inji Aminu, wanda ya kara da cewa, “Za a yi sallar janazah a garin Jere da karfe 2.00 na rana”.

Marigayin dai miji ne ga tsohuwar Ministar Kudi a zamanin mulkin tsohon Shugaban Kasa Olusegun Obasanjo, kuma tsohuwar ’yar Majalisar Dattawa, Esther Nenadi Usman.

• ’Yan fashi sun kashe mutum shida a Kaduna
• An kashe tsohon hakimi a kudancin Kaduna

Ya kuma taba rike manyan mukamai a gwamnatin Jihar Kaduna, ciki har da Sakataren Gwamnatin Jiha.