Satar kayan tallafi: An samu gawar mutane hudu a cikin dam
An tsinci gawar mutum hudu da suka fada Dam din Laminga, domin gudun kada jami’an tsaro su cafke su saboda wawushe kaya da suka yi a gidan tsohon Shugaban Majalisar Wakilai, Yakubu Dogara. A makon jiya ne zauna-gari-banza suka shiga gidan Dogara da ke daura da Dam din Laminga a garin Jos, suka sace abubuwan […]
An tsinci gawar mutum hudu da suka fada Dam din Laminga, domin gudun kada jami’an tsaro su cafke su saboda wawushe kaya da suka yi a gidan tsohon Shugaban Majalisar Wakilai, Yakubu Dogara.
A makon jiya ne zauna-gari-banza suka shiga gidan Dogara da ke daura da Dam din Laminga a garin Jos, suka sace abubuwan amfanin yau da kullum a gidan.
- Bata-gari sun fasa gidan Yakubu Dogara
- Gwamnatin Filato za ta hukunta mutanen da suka fasa rumbunan ajiye abinci
- Ba za mu bari Filato ta sake fadawa cikin rikici ba —Lalong
- Harkoki na daidaita bayan sassauta dokar kulle a Filato
Kakakin Asibitin Koyarwa na Jami’ar Jos, Omini Bridget, ta tabbatar wa da wakilinmu cewa an kai gawarwakin mutanen da aka samu a Dam din na Laminga.
Wasu rahotanni sun bayyana cewa gawarwakin guda takwas ne, an dauki wasu zuwa wani asibiti da ba a bayyana ba.
Wakilinmu ya ruwaito cewa, wanda suka rasun, sun tsere ne tare da fadawa dam din, domin guje wa fadawa hannun jami’an ’yan sanda.