Sha Yabo: Muhammad (SAW)

  Allah cikin ikonSa, muna cikin watan Rabi’ul Awwal, 1440 Bayan Hijira, watan da aka haifi fiyayyen talikai, Manzon Allah Muhammadu (saw). Mu nishadantu da wadannan baitoci goma sha daya daga alkalamin BASHIR YAHUZA MALUMFASHI (08065576011).   Ya Allah Ka ba ni basira Rarraba mu da dukka asara Zan yabon mai hana tijara Sha yabo […]

 

Allah cikin ikonSa, muna cikin watan Rabi’ul Awwal, 1440 Bayan Hijira, watan da aka haifi fiyayyen talikai, Manzon Allah Muhammadu (saw). Mu nishadantu da wadannan baitoci goma sha daya daga alkalamin BASHIR YAHUZA MALUMFASHI (08065576011).

 

Ya Allah Ka ba ni basira

Rarraba mu da dukka asara

Zan yabon mai hana tijara

Sha yabo tuli ya sahara

Almustapha Daha Muhammad

*

Assalamu alaika Nabiyyu

Shugaban dukkan anbiya’u

Alhashimi Kuraishiyyu

Kai ne badadin Ya Alhayyu

Jinjina gare ka Muhammad

 

*

A halittu ba ka da tamka

Kyakkyawa ko ba wanka

Babban danni mai tanka

Girmanka ya wuce jinka

Sayyadi Rasulu Muhammad

 

*

Kai maliya ka wuce gulbi

Tsarki gare ka a kalbi

Aikinka gyaran kalbi

Tauraro ka wuce halbi

Baban Rukayya Muhammad

 

*

Dan Amina ka wuce daro

Ran Litinin kag gangaro

Ba kuka ba wani baro

Sai murmushi ka karo

Ya Aminu namu Muhammad

 

*

Na Khadijah babban gwarzo

Ga baituka naka murzo

Bisa izza duk na furzo

Makiyanka ni zan gurzo

Ya Habibu namu Muhammad

 

*

Ka fi ruwan sanyi a bazara

Kyauta wurinka ba tazara

Kyan daki sai da azara

Murmushi kullum ka zizara

Na A’isha jigo Muhammad

 

*

Ka fi zuma zaki ko madara

Kai kake izza ga mahara

Ja’irai sun zam a makara

Ba su da riba sai dai takura

Na Maimuna Maula Muhammad

 

*

A hakuri ka zarce dan damo

Ba ka murna da kankamo

Mai kaunarka ya kandamo

Alheri za ya fantamo

Maigidan Hafsat Muhammad

 

*

Ya Allah Ka kara baiwa

Da ni’ima wadda Kai wa

Ibrahim mai adawa

Da shirka ba ya halwa

Ga abban Zi Muhammad

 

*

Ya Allah Ka kara salati

Ga abban Nana Fati

Muna murna da party

Har ma mun rera baiti

Ga Daha guda Muhammad

***