Shawara ga Jam’iyyar APC

Editan Aminiya, ka ba ni dama in bai wa Jam’iyyar APC kan rajistar membobinta, don bai kamata a ce sai duk mai bukatar yin rajista ya zo da hotuna biyu na passport ba, tunda da yawa daga mazauna karkara da ma wasu na cikin birane ba su da sukunin daukar hoto kafin su yi rajista […]

Editan Aminiya, ka ba ni dama in bai wa Jam’iyyar APC kan rajistar membobinta, don bai kamata a ce sai duk mai bukatar yin rajista ya zo da hotuna biyu na passport ba, tunda da yawa daga mazauna karkara da ma wasu na cikin birane ba su da sukunin daukar hoto kafin su yi rajista a halin matsin tattalin arziki da ake ciki a yanzu.  Ba a bukatar hoto kafin jam’iyyar ta samu adadin membobinta, ta kuma tunkarii zaben shekarar 2015 ba. Kuma jam’iyyu da dama ba sa karbar hotunan membobinsu kafin su yi musu rajista. Da fatan shugabannin jam’iyyar za su ji wannan kira, kuma su gyara.
Daga Muhammadu Sani Shokin, Sardaunan Matasan Tudun Wada Kaduna 08028797882

Ga Sardaunan Kano
Zuwa ga Sardauna Kano Allah ya sa haka shi ya fi. Kuma muna tare da kai a ko’ina. Daga Hauwa Saleh Fagge (Mai Jidda) 08146795918.

Bafarawa da Shekarau
Komawar Bafarawa da Shekarau PDP ya nuna dama ba don talaka suke yi ba, sun zama mayaudara ga mabiyansu. Allah Ya sa mu gane amsu kaunarmu. Daga danliti Pillars Rimin Kebe, Kano 07037874889.

Ina diyyar Imrana Tsafe?
Rijiya ta bada Ruwa guga ya hana. Wani bawan Allah mai suna Ma’azu a karamar hukumar Tsafe, a lokaci tarzomar bayan zaɓe an kashe masa dansa mai suna Imrana, Gwamnati tarayya ta biya diyya kuma diyyar ta zo jiha, amma wasu masu danne hakkin talakawa sun dafe an hana bawan Allah nan hakkinsa. Ya Allah ka tona asirin duk wanda ya dafe hakkin marayu amin. Daga Hafizu Balarabe Gusau mai kayan waya Jihar Zamfara [email protected] 07035304499/08091444760.

Ta’aziyyar Sheikh Albani
Assalamu alaikum. Don Allah ina son a isar min da sakon ta’aziyyata ga mutanen Jihar Kaduna da Najeriya baki daya kan rasuwar Sheikh Albani da iyalansa. Daga Jamhuriyar Nijar.

Ta’aziyyar Albani
Zuwa ga iyalan Marigayi Albani, ina mika ta’aziyyata gareku da daukacin al’ummar birnin Zariya, da sauran Musulmi. Allah ya jikansa, Ya karbi shahadarsa. Allah ya tona asirin wadanda suka yi wannan ta’addanci. Daga Baban Talakawa Jos 08059439045.

Ta’aziyyar Albani
Edita, Allah Ya la’anci wanda ya zubar da jinin mumini. Malam Albani dai ya yi shahada. Mu kuwa muna yi masa addu’a; za mu ci gaba har namu wa’adin. Daga Fatima Aliyu Bauchi 08059362216.

Ta’aziiyar Sheikh Albani
A mika ta’aziyyata kan rasuwar malaminmu Sheikh Auwal Albani Zariya. Allah Ya jikan Malam. Amin summa amin. Allah Ya tona asirinsu. Malam Ya yi shahada. Daga Nuri Officer Bakin Total PZ Zariya. 08050724719.

Ga makarantan Aminiya
Aminiya ina so a mika sakona kamar haka: Ina gaida masu jin dadin karatun wannan jarida ta ku Aminiya. Daga Nasiru Muhamad (Wafa) Sakkwato 08031914141.
Aminiya na debe mini kewa
Aminiya Allah Ya kara daukakaku. LAbaranku na debe mini kewa da fatan za ku sa ni sahun marubutanku. Mun gode. Daga Zainab S. Isah Kano 08131832802.

Ga jam’iyyar APC
Edita uwar jam’iyyar APC ta kyauta da ta kafa kungiyar kishin jam’iyya, sauran mu ganta a kauyuka da kananan hukumomi. Allah Ya kawo wa al’ummar Najeriya sauyi da dauki mai alfanu. kungiyar kishin APC ku himmatu wajen magance cin hanci da rashawa da rashin wutar lantarki da rashin aikin yi, tare da daukacin matsalolin da ke ci wa kasar nan tuwo a kwarya. Daga Hon. Abdullahi Osama 08036092089.

Ga ’yan kishin APC
Edita muna godiya ga uwar jam’iyya da ta bari aka kafa kungiyar kishin jam’iyyar APC. Kuma mun gode wa janar Muhammadu Buhari da Tinubu da daukacin iyayen jam’iyya. Mun zuba ido muga salon da ya sha bamban da na jam’iyya mai mulki. Allah Ya kawo wa al’ummar Najeriya dauki. Muna fatan samun sauyi, don shawo kan amtsalolin kasar nan. Daga Alhaji Isiaka Usman Lere 08028785818.

2015 sai Jonathan
2015 sai Shugaba Jonathan irinka kasarmu ke bukata, wanda ya sadaukar da rayuwashi domin kasarmu ta zama kasa daya dunkulalliya, kuma babu nuna bambanci. Daga J.N. Bakoti 07063769184.

Afuwa Aminiya
Assalamu alaikum, Edita Allah Ya ba ka hakuri idan laifi na yi. Afuwa. Bissalam. Daga Muhammadu Sani Bararo Kano, Hausawa 08038492252.

Gaisuwa ga Aminiya
Aminiya gaisuwa da fatan alkhairi. Daga Aisha Muhammad Adam ’Yar gwanda. 08184818204.

Muna kishin APC
Edita ka ba ni dama in yaba wa Musa Wakaso Giza da Alhaji Lawal Abubakar baure, shugabannin kungiyar kishin jam’iyyar APC. Uwar jam’iyya mun gode da kika kafa mana ’yan kishin jam’iyya. Ku kara kokari, muna jin labarinku. Muna fatan samun sauyi mai ma’ana a mulkin APC. Daga Ahmad Tiga 08068643445

Kada a ba Buhari Shugabanci
Shawara ga APC, kada a kuskura a ba Buhari Shugabanci a kasar nan. An fake da guzuma ana harbin karsana. Da alamu akwai matsala Shekarau da Bafarawa suka bari, kusan akwai matsala. Daga Aminu Agege Lagos 08111517424.

Sana’o’in hannu
Edita muna jin dadin hirar da kuke da masu sana’o’in hannu ko min kankantarsu. Shi yasa muke rike sana’o’inmu, muke ganin amfanin abion. Allah Ya taimake mu. Daga H.I. Yaro Gusau, Jihar Zamfara 08122596624.

Abarba ta samu gata
’Yan jam’iyyar adawar Jihar sakkwato da ma ‘yan jam’iyyar PDP, wadanda suka yi yajin shan abarba, yanzu Bafarawa ya koma PDP, abarba ta samu gata; sai a sanyata a firji, ta yi sanyi, sannan a shata. Daga Bello Dandin Mahe Suleja.

Rashin adalcin APC
Mu talakawa a birnin Sakkwato mun bar jam’iyyar APC, don Bafarawa ya barta, kuma mun yi alkawarin kayar da ita kuri’armu duk tana PDP insha Allah. Sakkwatawa muna bayan Garkuwan Sakkwato, wato Alhaji attahiru Bafarawa. Daga Musty Sok 08034068363.