Shugaban Jam’iyyar APC na Oya ya mutu a Amurka
Shugaban ya shafe kusan shekara guda yana jinya a Amurka.
Shugaban Jam’iyyar APC na Jihar Oyo, Isaac Omodewu, ya rasu.
Rahotanni sun bayyana cewar ya rasu ne a ƙasar Amurka.
- NAJERIYA A YAU: Mece Ce Cutar Ƙyandar Biri Kuma Me Ke Jawo Ta?
- Tinubu ya bayar da umarnin biyan tallafin man fetur – Rahoto
Omodewu, ya bar Najeriya a watan Nuwamban 2023, domin neman lafiya.
Sai dai ya rasu bayan shafe kusan shekara guda yana jinyar cutar da ba a bayyana sunanta ba a Amurka.
Sakataren Yaɗa Labaran APC a Jihar Oyo, Olawale Sadare ne, ya tabbatar da rasuwar a ranar Litinin.
“Shugabanmu ya mutu,” in ji shi.
Omodewu, wanda ya fito daga Otu a ƙaramar hukumar Itesiwaju ta Jihar Oyo, ya taɓa riƙe muƙamin Kwamishina a gwamnatin marigayi tsohon Gwamnan jihar, Abiola Ajimobi.
A baya-bayan nan, ya kammala karatunsa na makarantar lauyoyi.