Soja ya caka wa dan acaba wuka a ciki

Wani soja ya shiga hannun ’yan sanda bayan da ya caka wa wani dan acaba wuja a wata mashaya a Jihar Legas.

Wani soja ya shiga hannun ’yan sanda bayan da ya caka wa wani dan acaba wuja a wata mashaya a Jihar Legas.

Kakakin ’yan sandan jihar, Benjamin Hundeyin, ya tabbatar da tsare sojan mai muƙamin Kofar bayan aukuwar lamarin a yanki Ikorodu.

Hundeyin ya ce, sojan da ake zargi, wanda ba a bayyana sunansa ba, “yana tsare kuma ana ci gaba da gudanar da bincike kan lamarin.”

Wani dan sanda da ya bukaci a sakaya sunansa saboda ba a ba shi izinin yin magana da manema labarai ba, ya ce sojan da ke aiki a Bataliya ta 159nta Sojin Kasan Najeriya da ke Jigar Yobe, ya caka wa dan acaban mai suna Saheed Isa wuka ne sakamakon sabanin da suka samu.

• Jiragen Soji Sun Kashe Kwamandojin ISWAP A Borno
• Amurka ta gargadi Isra’ila kan shirin kai wa Iran hari

Ya bayyana cewa sojan ya yi amfani da wata karamar wuka mai kama da bindiga ce ya soki dan acaban a cikinsa.

A bara, 2023, ’yan sanda a Jihar Ondo suka tsare wani soja mai suna Tope Kazeem bayan da ya caka wa wani farin hula hula.