Sojoji sun hallaka ’yan ta’adda 148, sun kama wasu 258

Rundunar ta jaddada aniyarta na ci gaba da yaƙi da ‘yan ta’adda a faɗin Najeriya.

Rundunar Sojin Najeriya, ta samu gagarumar nasarar kashe ‘yan ta’adda 148 tare da kama wasu 258 a hare-haren da suka kai.

Daraktan yaɗa labarai na rundunar tsaron ƙasa, Manjo Janar Edward Buba, ya bayyana cewa an kama mutum biyu da ake zargi da safarar harsasai.

• Harin Jirgi: Shettima ya nemi afuwar al’ummar Sakkwato
• Abba ya tarbi ɗaliban Kano 150 da suka kammala digiri na biyu a Indiya

Waɗanda ake zargin su ne Danweri da Abubakar Hamza.

Haka kuma, an samu nasarar gano ƙunshin harsasai biyu a Ƙaramar Hukumar Alkaleri, a Jihar Bauchi.

Bincike ya gano an yi amfani da su wajen ayyukan ta’addanci.

Manjo Janar Buba ya yi wannan bayani ne cikin wata sanarwa da ya fitar a ranar Asabar.

Wannna zuwa ne bayan da rundunar ta ci gaba da zage damtse wajen yaƙi da ’yan ta’adda a faɗin Najeriya.