Surukar Sarkin Zazzau ta rasu

Hajiya Habiba, Babbar matar Sarkin Zazzau Shehu Idris Hajiya ta rasu bayan gajeruwar rashin lafiya a gidanta da ke Zariya.

Sarkin Zazzau Malam Ahmad Nuhu Bamalli ya rasa surukara, Hajiya Hajiya Habiba Shehu Idris a safiyar Juma’a.

Marigayiya Hajiya Habiba, ita ce babbar mai ɗakin Sarkin Zazzau mai rasuwa, Alhaji Shehu Idris, wanda Sarki Bamalli ya gaji kujerarsa.

Ita ce kuma mahaifiyar Hajiya Maryam, mai ɗakin Sarkin Zazzau Bamalli.

Allah Ya yi wa marigayiyar rasuwa ne bayan gajeruwar rashin lafiya a gidanta da ke Zariya.

Masarautar Zazzau ta sanar da cewa Marigayiya Hajiya Habiba, ta rasu tana da shekaru 79 a duniya.

Sanarwar da Sakataren Masarautar Zazzau, Abdullahi Aliyu Ƙwarbai, ya fitar ta ce za a yi sallar jana’izar surukar sarkin ce bayan Sallar Juma’a a Fadar Sarkin Zazzau.