Tsohon Daraktan hukumar DSS, Bukar Shetima ya rasu

Tsohon daraktan ya rasu ya bar ‘ya’ya da jikoki da dama

Tsohon Daraktan Hukumar Tsaron Farin Kaya ta DSS, Alhaji Bukar Shettima, ya rasu a Kaduna.

Ya rasu da sanyin safiyar Lahadi, bayan ya sha fama da rashin lafiya tsawon shekaru.

• Yadda Mata ke rububin Kunshin Sallah a Kano
• Budaddiyar wasika zuwa ga ’yan bindigar Arewa maso Yamma

An yi jana’izarsa da misalin karfe 1:00 na rana a masallacin Sultan Bello da ke Kaduna.

Tsohon Daraktan ya rasu ya bar ’ya’ya da jikoki, ciki har da Shugaban kamfanin Barbedos Group, Alhaji Kashim Bukar Shetima da kuma Shugabar bankin Unity na Jihar Kaduna, Hajiya Hamsatu Bukar Shetima.

Tuni ’yan uwa da abokan arziki da suka shiga yin ta’aziyyarsa tare sa nema masa rahamar Ubangiji.