Tsohon Gwamnan Jigawa Ibrahim Aliyu ya rasu

Tsohon gwamnan ya rasu bayan ya sha fama da rashin lafiya a Jihar Kaduna.

Allah Ya yi tsohon Gwamnan Jihar Jigawa a lokacin mulkin soji, Birgediya Ibrahim Aliyu rasuwa a ranar Juma’a.

Sanarwar rasuwar ta fito me daga hadimin Gwamnan Jigawa kan kafofin watsa labarai, Habibu Nuhu Kila a ranar Asabar.

1. Masu fasa-kwaurin shinkafa sun bude wa kwastam wuta
2. An fara shirye-shiryen Aikin Hajjin bana a yanayin COVID-19

Gwamnan Jihar, Muhammad Badaru ya mika ta’aziyyarsa ga iyalan tsohon Gwamnan Birigediya Ibrahim Aliyu, tare da yi masa addu’ar samun rahama.

Janar Ibrahim Aliyu wanda ya rasu a Kaduna ya shugabanci Jihar Jigawa ne daga 1993 zuwa 1996.

A baya-bayan nan Mataimakin Shugaban Kasa Yemi Osinbajo ya kaddamar da ayyukan wasu tituna a Jihar Jigawa da aka sanya wa sunan marigayin.