Wani mutum ya shiga komar ’yan sanda kan kisan budurwarsa
Rundunar ’yan sadan jihar Jigawa ta kama wani mutum kan zargin kisan budurwarsa ’yar shekaru 22 a duniya a ranar Asabar da ta gabata a karamar hukumar Jahun da ke jihar. Mai magana da yawun rundunar ’yan sandan, SP Abdu Jinjiri wanda ya ki bayar da cikakken bayani kan lamarin saboda suna bincike kan […]
Rundunar ’yan sadan jihar Jigawa ta kama wani mutum kan zargin kisan budurwarsa ’yar shekaru 22 a duniya a ranar Asabar da ta gabata a karamar hukumar Jahun da ke jihar.
Mai magana da yawun rundunar ’yan sandan, SP Abdu Jinjiri wanda ya ki bayar da cikakken bayani kan lamarin saboda suna bincike kan batun ya fadawa Aminiya jiya cewa an samu gawarta ne cikin jini a bakin hanya.
Ya ce an yar da gawar Salamatu Garba da ke Kofar Gabas a Jahun a wajen gari bayan da aka cire mata makogwaro.
Ya kara da cewa likitoci sun tabbatar da mutuwarta a asibitin Jahun kuma tuni aka baiwa danginta gawarta don su yi mata sutura.