Wasikar Obasanjo: Gaskiya ya fada ko cin fuska ga Jonathan?

Wasikar nan da tsohon Shugaban kasa Obasanjo ya rubuta wa Shugaba Goodluck Jonathan ta tada kura a kasar nan. Kalaman da wasikar ke dauke da su sun ja hankalin al’ummar kasa. Abin tambaya a nan shi ne, shin kalaman na Obasanjo gaskiya ne ko kuwa ya yi su ne da nufin cin fuska ga Jonathan? […]

Wasikar nan da tsohon Shugaban kasa Obasanjo ya rubuta wa Shugaba Goodluck Jonathan ta tada kura a kasar nan. Kalaman da wasikar ke dauke da su sun ja hankalin al’ummar kasa. Abin tambaya a nan shi ne, shin kalaman na Obasanjo gaskiya ne ko kuwa ya yi su ne da nufin cin fuska ga Jonathan? Wakilanmu sun tattauna da mutane daban-daban kuma ga ra’ayoyinsu kamar haka:

Wasikar ba cin fuska ba ce – Abubakar kani
Alhaji Abubakar kani Sakkwato: “Ba cin fuska ba ne ga Jonathan, zagon kasa ne ga babbar jam’iyyar adawa, yadda zai samu karbuwa gare ta, sannan su yi sakaci ga harkar yakin neman zabe ta hanyar dogaro da shi. Zai yi amfani da wannan dama ya kawo jama’arsa jam’iyyar, su haddasa rudani da rarraba kan jama’a, su wargaza jam’iyyar; PDP ta samu nasara cin zabe cikin sauki.”