Wasikar Obasanjo: Gaskiya ya fada ko cin fuska ga Jonathan? 3

Wasikar nan da tsohon Shugaban kasa Obasanjo ya rubuta wa Shugaba Goodluck Jonathan ta tada kura a kasar nan. Kalaman da wasikar ke dauke da su sun ja hankalin al’ummar kasa. Abin tambaya a nan shi ne, shin kalaman na Obasanjo gaskiya ne ko kuwa ya yi su ne da nufin cin fuska ga Jonathan? […]

Wasikar nan da tsohon Shugaban kasa Obasanjo ya rubuta wa Shugaba Goodluck Jonathan ta tada kura a kasar nan. Kalaman da wasikar ke dauke da su sun ja hankalin al’ummar kasa. Abin tambaya a nan shi ne, shin kalaman na Obasanjo gaskiya ne ko kuwa ya yi su ne da nufin cin fuska ga Jonathan? Wakilanmu sun tattauna da mutane daban-daban kuma ga ra’ayoyinsu kamar haka:

Obasanjo ya fadi gaskiya Kwamared Nazifi Ubale
Kwamared Nazifi Ubale Fagge: “A gaskiya abin da Obasanjo ya fada a kan Jonathan a wasikar da ya aike masa, gaskiya ne ba maganar cin fuska. Tun da waye ya haifi Goodluck a kan mulkin Najeriya idan ba shi Obasanjon ba? Ni abin da nake ganin ya kamata, ’yan majalisarmu su kira Goodluck ya kare kansa a kan wannan wasikar, idan kuma ya kasa, to su tsige shi. Haka shi ma Obasanjo, ya kamata su kira shi don ya kawo hujjojinsa da zai kare wannan ikirarin da ya yi a cikin wasikarsa.