Wasikar Obasanjo: Gaskiya ya fada ko cin fuska ga Jonathan? 4

Wasikar nan da tsohon Shugaban kasa Obasanjo ya rubuta wa Shugaba Goodluck Jonathan ta tada kura a kasar nan. Kalaman da wasikar ke dauke da su sun ja hankalin al’ummar kasa. Abin tambaya a nan shi ne, shin kalaman na Obasanjo gaskiya ne ko kuwa ya yi su ne da nufin cin fuska ga Jonathan? […]

Wasikar nan da tsohon Shugaban kasa Obasanjo ya rubuta wa Shugaba Goodluck Jonathan ta tada kura a kasar nan. Kalaman da wasikar ke dauke da su sun ja hankalin al’ummar kasa. Abin tambaya a nan shi ne, shin kalaman na Obasanjo gaskiya ne ko kuwa ya yi su ne da nufin cin fuska ga Jonathan? Wakilanmu sun tattauna da mutane daban-daban kuma ga ra’ayoyinsu kamar haka:

Farfaganda ce kawai – Kabir Amasko
Kabiru Idris Amasko: “Ni ban yarda cewa akwai sabani a tsakanin Obasanjo da Jonathan ba, illa dai wata farfaganda ce da ake neman a yi amafani da ita don cutar da Arewa da al’ummarta. Kamata ya yi mutane su yi watsi da ita, ba ta dauke masu hankali ba har su manta da laifuffukan da Obasanjo ya yi; ciki har da kawo Jonathan a matsayin Shugaban kasa.”