Wasikar Obasanjo: Gaskiya ya fada ko cin fuska ga Jonathan? 7

Wasikar nan da tsohon Shugaban kasa Obasanjo ya rubuta wa Shugaba Goodluck Jonathan ta tada kura a kasar nan. Kalaman da wasikar ke dauke da su sun ja hankalin al’ummar kasa. Abin tambaya a nan shi ne, shin kalaman na Obasanjo gaskiya ne ko kuwa ya yi su ne da nufin cin fuska ga Jonathan? […]

Wasikar nan da tsohon Shugaban kasa Obasanjo ya rubuta wa Shugaba Goodluck Jonathan ta tada kura a kasar nan. Kalaman da wasikar ke dauke da su sun ja hankalin al’ummar kasa. Abin tambaya a nan shi ne, shin kalaman na Obasanjo gaskiya ne ko kuwa ya yi su ne da nufin cin fuska ga Jonathan? Wakilanmu sun tattauna da mutane daban-daban kuma ga ra’ayoyinsu kamar haka:

Wasikar gaskiya ce – Musa Baban Iya
Kwamared Musa Baban Iya: “Idan ka duba halin da ’yan
Najeriya suke ciki, musamman a fuskar siyasa da tabarbarewar tattalin arzikin kasa da azababben talauci da mutanen kasa suke fama da shi da kasha-kashen rayuka da tashe-tashen hankula da suke faruwa a wannan mulki na Jonathan, Obasanjo yana da gaskiya. Domin an so dattijo wanda shekarunsa sun kama daga saba’in zuwa tamanin ya fito ya fadi gaskiya koda yin haka zai zamanto sanadiyyar barinsa duniya.