Wurare 10 mafiya hatsari a Abuja
Wadannan wurare sun yi kaurin suna wajen aikata miyagun laifuka.
Matsalar tsaro na daya daga cikin manyan abubuwan da ke ci wa Najeriya tuwo a kwarya tsawon shekaru, lamarin da ke ci gaba da kawo cikas ga tattalin arziki da kuma rayuwar yau da kullum.
Bayan ga ta’addanci, garkuwa da mutane, hare-hare da ake yi wa mutane yau da kullum a wasu sassan Najeriya, birnin tarayya Abuja, bai tsira ba, saboda akwai wasu wurare da suka yi kaurin suna wajen aikata miyagun laifuka.
- ’Yan Kwankwasiyya na son PDP ta kori Kwankwaso
- OIC na son a cire takunkumin da aka sa wa kasashen Musulmi
Binciken Aminiya, ya gano wasu gawurtattun wurare da suka yi fice wajen aikata miyagun laifuka a babban birnin tarayya.
Kididdigar Hukumar Ba da Agajin Gaggawa ta Ksa ta nuna cewa, shataletale Julius Berger, Gundumar Maitama, Mabushi, Shataletalen Apo, Area 1 da Area 3, Galadimawa, hanyar Fiiln Jirgin Saman Abuja da unguwar Wuse 2, na daga cikin wurare mafiya hatsari a Abuja.
Binciken ya gano yadda bata-gari ke yin basaja a matsayin direbobin motocin haya, suke yi wa mutane kwace, fashi ko damfara.
Kazalika, hukumomi sun gano yadda wadannan bata-garin ke amfani da kango, gine-gine, karkashin gada, kasuwanni, a matsayin maboyarsu.
Gine-gine da ba a kammala ba sun zama wuraren boye mutane da aka sace da kuma aikata muggan laifuka.
Wadannan wuraren na kasa sun yi kaurin suna wajen aikata manyan laifuka a Abuja:
- Shataletalen Apo
- Titin zuwa filin jirgin saman Abuja (Airport Road)
- Shataletalen Area 1
- Area 3
- Shataletalen Julis Berger
- Mpape
- Durumi
- Galadimawa
- Wuse 2
- Dei-Dei