Ya kashe kansa bayan ya kashe budurwarsa

Wani saurayi mai suna Friday Njoku, ya daba wa budurwarsa, Cynthia Nwafia wuka, ya kashe ta daga bisani shi ma ya kashe kansa.Wannan lamari ya faru ne a layin Amachi da ke Abakaliki, Jihar Ebonyi. Mai magana da yawun rundunar ’yan sandan Jihar Ebonyi, Lobeth Odah ta tabbatar wa Aminiya cewa mamatan, budurwa da saurayi […]

Wani saurayi mai suna Friday Njoku, ya daba wa budurwarsa, Cynthia Nwafia wuka, ya kashe ta daga bisani shi ma ya kashe kansa.Wannan lamari ya faru ne a layin Amachi da ke Abakaliki, Jihar Ebonyi.

Mai magana da yawun rundunar ’yan sandan Jihar Ebonyi, Lobeth Odah ta tabbatar wa Aminiya cewa mamatan, budurwa da saurayi ne da suka shirya yin aure kuma lokacin auren nasu ya kusa, domin har shi Njoku ya aika da sallama zuwa ga iyayen Cynthia na zai auri ’yarsu sun kuma amince masa. Daga bisani kuma sai shi saurayin kafin ya kashe ta ya fara zargin tana cutarsa. Jami’ar ’yan sandan ta ci gaba da cewa: “Daga nan ne shi kuma bai hakura ba, ya tafi gidan budurwar tasa ya tarar da ita tana aikin dafa abinci sai ya yi amfani da wukar da take aiki ya daba mata. Daga nan ne mutanen gidan suka garzaya da ita asibiti, likitoci suka ce ai ta riga ta mutu.”

Ganin faruwar haka, aka sanar wa ’yan sanda halin da ake ciki, suka bazama nemansa, inda aka gano shi a dakinsa a mace, cikin jini. Ta kara da cewa duk da haka suna kan binciken lamarin.