Yadda ake hada salad din kaza

Barkanmu da sake saduwa daku Uwargida a cikin wannan filin namu na girke-girke. A yau na kawo muku yadda ake hadin salad din kaza. Yana da kyau Uwargida ko Amarya su kasance da gwada nau’ukan girke-girke domin kwarewa a wadannan fannin girki yadda zasu hana maigida zuwa wani waje cin abinci. Domin kara kwarewa da […]

Barkanmu da sake saduwa daku Uwargida a cikin wannan filin namu na girke-girke. A yau na kawo muku yadda ake hadin salad din kaza. Yana da kyau Uwargida ko Amarya su kasance da gwada nau’ukan girke-girke domin kwarewa a wadannan fannin girki yadda zasu hana maigida zuwa wani waje cin abinci. Domin kara kwarewa da nau’ukan girki, sai a kasance tare da shafinmu na girke-girke a cikin jaridar Aminiya a kowa ne mako.

Abubuwan da za’a bukata

•        Kaza

•        Dakakken masoro

•        Nikakken citta

•        Garin tafarnuwa

•        Kori

•        Man zaitun

•        Borkono (ga mai bukata)

•        Kabeji

•        Timatir

•        Gurji

•        Albasa

 

Hadi

Da farko dai za’a wanke kaza a kuma cire karninsa kamar yadda na yi bayani a baya. Bayan haka sai a yayyanka shi sannan a zuba a roba. Sannan a zuba nikakken masoro da garin citta da garin tafarnuwa da kori da dakakken borkono ga mai bukata sannan a zuba cokula biyu na man zaitun sannan a cakudasu sannan a zuba a leda a sanyasu a firiji na tsawon a wanni biyu zuwa uku. Bayan haka sannan a shiga gasasu akan rushin wuta ko kuma na’urar yin gashi har sai kaza ta gasu. Sannan a kwashe a ajiye a gefe.

Sannan a yayyanko kabeji kanana da albasa da kuma gurji sannan a zuba su a ciki a cakudasu sai a sake yaryada soyayyen man zaitun din kadan akai da magi.

Za’a iya cin wannan hadin da jus din lemun zaki mai sanyi. A ci dadi lafiya!