Yadda Ake Yin ‘Yam Balls’

Ana iya yin ‘Yam Balls’ a matsayin abinci, ko kuma don marmari, ko na tarbar baki ko kuma a matsayin abincin sana’a.

Kayan hadi

1. Doya
2. Attarugu
3. Albasa
4. Kwai
5. Magi
6. Gishiri
7. Kori
8. Mai

• Girke-girken Azumi: Yadda ake yin Tsiren Dankali
• Yadda ake Wainar Dankali

Yadda ake hadawa

1. A fere doya a yanka ta sai a wanke a sa a tukunya a dora a wuta da dan gishiri.
2. Idan ya nuna sai a sauke a kawo turmi mai tsafta a daka doyar sama-sama.
3. Sai a dauko jajjagen attarugu, albasa, sunadarin dandano da kori a zuba a kan doyar a juya su hadu sosai.
4. Daga nan sai a rika dunkula doyar a yi ta kamar kwallo.
5. Sai a fasa kwai a dora kasko a wuta a sa mai.
6. Idan man ya yi zafi sai a rika dauko kwallon doyar ana tsomawa a kwai ana soyawa a man.
7. Idan ya yi sai a kwashe.

Shi ke nan sai ci.