Yadda ake yin ‘yam balls’ a saukake

Matakan yadda ake yin kwallon doya da kwai cikin sauki

Jama’a barkan mu da wannan lokaci, a yau za mu nuna yadda ake yin kwallon doya da kywai (yam balls) a gida a saukake.

Ana iya yin ‘yam balls’ a matsayin abinci don marmari, tarbar baki ko sana’a.

• Yadda ake hada ‘Apple Smoothie’
• Yadda ake hada jus din karas cikin sauki
• Yadda na fara sarrafa ’ya’yan itatuwa ina jus da su – Dokta Kal
• Kayan hadi

1. Doya
2. Attarugu
3. Albasa
4. Kwai
5. Magi
6. Gishiri
7. Kori
8. Mai

• Yadda ake hadawa

1. Da farko za a fere doya a yanka ta sai a wanke a sa a tukunya a dora a wuta da dan gishiri a bari ta nuna.
2. Idan ya nuna sai a sauke a kawo turmi mai tsafta a daka doyar sama sama.
3. Sai a dauko jajjagen attarugu, albasa, magi da kori a zuba a kan doyar a juya su hadu sosai.
4. Daga nan sai a rika dunkula doyar a yi ta kamar kwallo.
5. Sai a fasa kwai a dora kasko a wuta a sa mai.
6. Idan man ya yi zafi sai a rika dauko kwallon doyar ana sawa a kwai ana soyawa a man.
7. Idan ya yi sai a kwashe.

Yadda ake yin yam balls ke nan, da fatan za a jaraba a gani.