Yadda mahaukaci ya kashe dan sanda bayan ya hallaka dattijo a Ondo

Al’ummar kauyen Tekunle a yankin gabashin Jihar Ondo sun wayi gari da wani abin alhini, bayan da wani mai tabin hankali wanda sananne ne a yanki ya hallaka wani dattijo mai kimanin shekara 75 mai suna Olusegun Oyadele ya kuma kashe daya daga cikin jami’an ‘yan sandan da suka yi kokarin kame shi. Dattijon ya […]

Al’ummar kauyen Tekunle a yankin gabashin Jihar Ondo sun wayi gari da wani abin alhini, bayan da wani mai tabin hankali wanda sananne ne a yanki ya hallaka wani dattijo mai kimanin shekara 75 mai suna Olusegun Oyadele ya kuma kashe daya daga cikin jami’an ‘yan sandan da suka yi kokarin kame shi.

Dattijon ya gamu da ibtila’in ne a lokacin da yake shanya ‘ya’yan itacen Koko a kofar gidansa, inda mahaukacin ya zo da adda ya sassara shi, hakan ne ya sanya al’ummar kauyen suka sanar da jami’an ‘yan sanda wadanda suka je kauyen da zummar kame mai tabin hankalin, amma sai tsautsayi ya sake fada wa daya daga cikinsu, inda ya haushi da rasa ya kuma kashe shi nan take ya gudu abinsa ya shiga daji.

Mai magana da yawun ‘yan sandan Jihar Ondo, Femi Joseph ya tabbatar da faruwar lamarin, yana mai cewa ‘yan sanda sun yi nasarar kame mai tabin hankalin, bayan da kwamishinan ‘yan sandan jihar, Gbenga Adeyanju ya jagoranci da kungiyar maharba da mafarauta, ya ce an kai gawarwakin mutanen da mahaukacin ya kashe dakin ajiyar gawa na asibitin gwamnatin jihar kana jami’ansa a yayin bincike kan lamarin.