Yadda za mu kare gashinmu daga zubewa a lokacin sanyi

Sanyi na daya daga cikin yanayi da dalilin da ke zubar da gashin mace. Saboda haka, ya kamata mu kula da gashin kanmu, domin yana cikin abin da ke dada wa mace kyau. Akwai mayuka da dama wadanda ake shafawa a gashi domin hana gashin zubewa. Akawai man zaitun da man kasto (castor oil). Za […]

Sanyi na daya daga cikin yanayi da dalilin da ke zubar da gashin mace. Saboda haka, ya kamata mu kula da gashin kanmu, domin yana cikin abin da ke dada wa mace kyau. Akwai mayuka da dama wadanda ake shafawa a gashi domin hana gashin zubewa. Akawai man zaitun da man kasto (castor oil). Za a iya hada man zaiyun da zuma ko ruwan lemun tsami da man kwa-kwa. Wadannan mayukan na gyara gashi  da hana shi zubewa, ya  sanya shi sheki da kuma tsayi.
Man zaitun
Yana da kyau a rika shafa man zaitun a gashi domin kare shi daga bushewa. Za a iya sanya zaitun a wuta ko a rana, idan ya narke (sosai) sai a shafa a fatar kai. Rashin shafa man zaitun a fatar gashi na sanya gashin karyewa.
Man kasto (castor oil) don gyaran gashi
Za a iya samun wannan man a shagunan da ake sayar da kayan kwalliya a kasuwa. A narkar da man a rana, sannan sai a turara tawul din wanka, bayan an shafa man, sai a daura tawul din a kai har na tsawon mintuna 15 kafin a wanke.
Man zaitun da zuma
A hada cokula uku na zuma da man zaitun a motsa (ya hadu sosai), sannan sai a shafa a gashi, bayan ’yan mintuna kadan, kamar misali minti 10, sai a wanke da man wanke gashi. Ruwan lemun tsami da man kwa-kwa
A matse ruwan lemun tsamin, sai a gauraya da man kwa-kwa, sannan sai a shafa a fatar kai kafin a wanke.