’Yan bindiga sun huce fushi kan masu ba wa jami’an tsaro hadin kai
Wannan hukunci ne a sakamakon bai wa jami’an tsaro bayanai a kansu da suke yi.
’Yan bindiga
’Yan bindiga sun kashe wasu mutane biyar mazauna garin Rogoji da ke Karamar Hukumar Bakura ta Jihar Zamfara a wani hari da suka kai a karshen wannan mako.
Da suke tabbatar da wannan al’amari, mazauna yankin sun ce ’yan bindigar sun yi musu aika aikar ne a matsayin hukunci, sakamakon bai wa jami’an tsaro bayanai a kansu da suke yi.
- Macron na fatar kawo karshen tankiya tsakanin Rasha da Ukraine
- Dalilan da rikice-rikicen Kudancin Kaduna suka ki ci suka ki cinyewa
RFI ya ruwaito cewa garin Rogoji na da nisan kilomita 2 ne kawai daga kwaryar garin Bakura.
Majiyoyi sun ce mazauna garin sun taimaka wa jami’an tsaro da ‘yan banga sosai a wajen yaki da ‘yan ta’addan da suka hana su sakat a yankunan Lambar Bakura da Dogon Karfe.
Bayanai sun ce ’yan bindigar sun shiga garin ne da safiyar Alhamis a lokacin da al’umma ke shirin sallar asuba, duk da turjiya da suka gamu da ita, inda suka kashe mutane 5.