’Yan bindiga sun kashe dan sanda da dan banga a Sakkwato
’Yan bindiga sun kashe dan sanda daya da wani dan banga ranar Litinin a Jihar Sakkwato .
’Yan bindiga sun kashe dan sanda daya da wani dan banga ranar Litinin a Jihar Sakkwato .
Da misalin karfe 3 na asuba kafin wayewar gari ne yan bindigar suka kai wa jami’an tsaron da ke sintiri hari a yankin Kwanan Milgoma da ke kan titin Sakkwato zuwa Bodinga.
Wani babban jami’in ’yan sandan da ya nemi a sakaya sunansa ya tabbatar wa wakilinmu cewa, “’Yan bindigar sun hadu da ’yan sandan ne a wani shingen bincike da ke kan hanyar Sakkwato zuwa Bodinga, inda suka bude musu wuta.
- An kama hedimasta kan sayar da kujerun makaranta a Kano
- Juyin mulki: Najeriya na neman ɗan ƙasar Birtaniya ruwa a jallo
- An kama masoya kan satar jariri a Kaduna
“Sun kashe dan sanda daya da wani dan banga sannan suka tafi da bindigogi kirar AK-47 guda biyu.
“An kai gawarwakin dakin ajiyar gawa na Asibitin Koyarwa na Jami’ar Usmanu Danfodiyo,” in ji shi.
A cewarsa, ’yan bindigar sun kama jami’an ne a cikin wata farar kirar Hilux.
Ba mu samu Kakakin Rundunar ’Yan sandan Jihar Sakkwato ba har zuwa lokacin hada wannan rahoto.