‘Yan Kannywood sun yi tir da hotunan Rahama Sadau

Wasu daga cikin jarumai da sauran masu alaka da harkar fina-finan Hausa ta Kannywood sun bi sahun mutanen da suka yi suka a kan wasu hotuna da jaruma Rahama Sadau ta wallafa. Da dama daga cikin masu ruwa da tsaki a harkar ta Kannywood dai sun yi tir da jarumar, wasu ma har tsinuwa suka […]

Wasu daga cikin jarumai da sauran masu alaka da harkar fina-finan Hausa ta Kannywood sun bi sahun mutanen da suka yi suka a kan wasu hotuna da jaruma Rahama Sadau ta wallafa.

Da dama daga cikin masu ruwa da tsaki a harkar ta Kannywood dai sun yi tir da jarumar, wasu ma har tsinuwa suka yi, ko dai kai-tsaye, ko kuma a kaikaice.

• Bude katafaren wajen hutu na Rahma Sadau ya jawo cece-ku-ce
• Abinda ke tsakanina da Rahma Sadau – Yaseen Auwal

Jarumar dai ta fito ta nemi afuwa bisa wannan lamari.

A ranar Litinin ne aka wayi gari da hotunan Rahama sanye da wasu tufafi masu nuna jikinta, wadanda suka jawo cece-kuce.

Cece-kuce

Mutane da dama sun yi ta sukar jarumar tare da yin Allah wadai, sannan a gefe daya kuma wasu suka fito suna kare ta.

Jim kadan da musayar yawun ne, sai aka samu bayyanar wani maudu’i mai suna #AssistantAllah, wanda masu kare ta suka fito da shi domin ci gaba da ba ta kariya.

Kazalika, an samu wani wanda har yanzu ba a san ko wane ne ba, da ya yi batanci ga Manzon Allah (S.A.W) a kasan hotunan.

Bayan wannan batancin da aka yi wa Manzon Allah ne Rahama Sadau ta fito ta nesanta kanta da lamarin ta kuma nemi afuwa, inda ta nuna cewa ba da yawunta aka yi batancin ba.

Duk da haka…

Da yake tsokaci a kan lamarin, mawaki Isa Ayagi cewa ya yi, “Hakika mutum yana ba da samfuri ne na tarbiyar da ya samu tun daga yanayin shigarsa. Don haka ba na mamaki ga shigar da jaruma Rahama Sadau ta yi.”

Daga nan sai darakta Ali Gumzak ya ce, “Ya ALLAH Ka tsare mu daga musifa da fitinar wannan gurbataccen zamani. Ka saka mu cikin ’yantattun bayinka nagari. Ka tsare mana imaninmu da hankalinmu. Ya Allah Ka karawa Annabi S.A.W salati da salami fil Jannat.”

 

View this post on Instagram

 

Ya ALLAH katsare mu daga musifa da fitinar wannan gurbataccen zamani, Ka sakamu cikin yantattun bayinka nagari, Ka tsare mana imanin mu da hankalin mu, ya ALLAH ka karawa annabi s.a.w salati da salami fil Jannat. ????

A post shared by Ali Gumzak (@aleegumzak) on Nov 2, 2020 at 1:38pm PST

Shi ma jarumi Sani Danja, wanda ya sanya wani bidiyo da a ciki wani malami ke cewa mutane ne shaidun Allah a ban kasa, ya rubuta cewa, “Allah Ka sa a mana shaida ta alheri a duniya da Lahira.”

 

View this post on Instagram

 

ALLAH KASA AMANA SHAIDA TA ALKAIRI DUNIYA DA LAHIRA AMEEN

A post shared by Sani Musa Danja (@realsanidanja) on Nov 2, 2020 at 11:59pm PST

Tsinuwa

Shi kuwa darakta Sheikh Isa Alolo tsinuwa ya yi, inda ya sanya wani hoton rubutu mai dauke da tsinuwa ga Rahama Sadau, sannan ya kara da cewa, “Fada ce ta Manzon Allah S.A.W. ya ce ku tsine musu in kun gansu”.

Fitaccen furodusa, Abdul Amart Mai Kwashewa, cewa ya yi, “Subhanallah! Subhanallah! Subhanallah! Allah mun tuba! Allah mun tuba! Allah mun tuba! Ya Allah kar Ka kama mu da laifukan wawayen cikinmu.”

A kasan rubutun kuma, Sadiya Kabala ta ce, “Amin summa amin.”

 

View this post on Instagram

 

Subhanallah! Subhanallah! Subhanallah! Allah mun tuba! Allah mun tuba! Allah mun tuba! Ya Allah karka ka kamamu da laifukan wawayen cikin mu

A post shared by Abdul Amart Muhammed (@abdulamart_mai_kwashewa) on Nov 2, 2020 at 1:52pm PST

Shi ma darakta Sanusi Oscar 442 ya sanya wani hoton rubutu mai dauke da sakon cewa da wanda ya yi, da wanda ya janyo aka yi, Allah Ya tsine musu albarka, sannan ya kara a kasa cewa, “Ni ba ni da kamar masoyina Annabi Muhammadu. Ya fi uwata ya fi ubana ya fi komai nawa. Wanda duk ya taba shi, babu ni babu shi.”

 

View this post on Instagram

 

Ni Banda Kamar Masoyina Annabi Muhammadu’ Yafi Uwata Yafi Ubana Yafi Komai Nawa’ Wanda Duk Yata Bashi Bashi Babu Ni’

A post shared by sunusi_oscar_442 (@sunusi_oscar__442) on Nov 2, 2020 at 10:33pm PST

Aminiya ta gano cewa da farko Oscar ya sanya hotunan da suka jawo cece-kucen kafin su janyo batancin, amma daga baya ya cire su.

Tsokacin Ali Nuhu

Ali Nuhu, wanda shi ne asalin uban gidan jarumar, ya wallafa a shafinsa cewa, “Ya Allah Ka sa mu cika da imani. Ka sa mu nisanci duk wani abu da zai zama sanadiyyar jawo mana fushinka. Ya Allah Kai ke yin yadda ka so da bayinka. Allah Ka shirye mu da duk wani wanda yake da niyyar shiryuwa. Ka hane mu taurin kai, izza da jin babu wanda ya isa ya fada mana mu ji. Ya Allah Ka ba mu ikon fahimtar nasiha ko da daga bakin ’ya’yan da muka haifa ne ballantana abokan zama, magabata da abokan sana’a da masoya na gaske albarkacin fiyayyen halitta Muhammad Rasulillah S.A.W. Allah yadda Ka raba mu da iyayenmu lafiya, Ka sa mu gama da duniya lafiya. Mu zama ababen kwantance nagari.”

 

View this post on Instagram

 

Ya Allah ka sa mu cika da imani, ka sa mu nisanci duk wani abu da zai zama sanadiyyar jawo mana fushinka.Ya Allah kai ke yin yadda ka so da bayinka. Allah ka shirye mu da duk wani wanda yake da niyyar shiryuwa.Ka hanemu taurin kai, izza da jin babu wanda ya isa ya fada mana mu ji. Ya Allah ka bamu ikon fahimtar nasiha ko da daga bakin Ya’ yan da muka haifa ne balle abokan zama, magabata da abokan sana’a da masoya na gaske albarkacin fiyayyen halitta Muhammad Rasulillah S.A.W. Allah yadda ka raba mu da iyayen mu lafiya, ka sa mu gama da duniya lafiya. Mu zama ababen kwantance na gari.

A post shared by ALl NUHU (@realalinuhu) on Nov 2, 2020 at 10:30pm PST

A kasan rubutun, Abba el-Mustapha da Malam Ibrahim Yala suka amsa suna masu cewa amin.

Shi ma matashin furodusa, Alhaji Khalid Yusuf, wanda aka fi sani da Kherleedo, cewa ya yi, “Na rantse da Ubangijin da ya aiko Annabi Musa da Attaura sai kinga bala’i! Ta dalilinki aka taba wanda Allah Ya fi so, shi kanshi hotan da kika yi masifa ne ga rayuwarki ballantana ta dalilinsa an taba wanda Ya fi matsayi, matsayi.”

 

View this post on Instagram

 

Na rantse da ubangijin daya aiko annabi musa da attaura se kinga bala’i! Ta dalilinki aka taba wanda Allah yafiso, shi kanshi hotan dakikayi masifa ne ga rayuwarki ballantana ta dalilin sa antaba wanda yafi matsayi matsayi? Allah nafisan annabi Muhammad S.A.W fiye da kaina fiye da iyayena fiye da addinina?? Allah kasani dalilin fidda tsaraicin datayi aka taba wanda darajar sa tafi halittar daka halitta a doron kasa? ka hukunta Rahama Allah ka hukunta Rahama Allah ka hukunta Rahama Allah ka hukunta Rahama Allah?? Allah ka ninka salatinka ga Annabi Muhammad S.A.W

A post shared by Alhaji Khalid Yusuf Ata (@real_kherleeydo) on Nov 2, 2020 at 3:39pm PST

Sannan a wani sakon da ya fitar, jaruma Hafsat Idris ta yi magana, inda ta ce, “Gaskiya ne.”

Shi ma jarumi Abdul M. Shareef ya ce, “Tir da hali irin naki, Rahama.”

 

View this post on Instagram

 

Allah ka shiryar damu gaba daya.

A post shared by Abdul M Shareef (@abdulmshareef) on Nov 2, 2020 at 1:22pm PST

Alhaji Sheshe cewa ya yi, “Ba na goyon bayan bayyana fasikanci da tozarta addinin Allah ta hanyar bayyana tsiraici. Annabi S.A.W ya ce akwai wasu mutane ’yan wuta ne za su zo nan gaba. Amma ban gansu ba,” In ji manzonmu.
A cikinsu akwai (Kasiyatun Ariyatun) wasu mata da za su rika yin shiga ga kaya a jikinsu, amma kana kallon surar jikinsu kamar tsirara suke. In ji Annabi S.A.W wadannan matan ko kamshin Aljannah ba za su ji ba. Haka Annabi S.A.W ya ci gaba da cewa idan mun gansu mu tsine musu tunda Allah S.W.T Ya tsine musu.”

 

View this post on Instagram

 

Bana Goyon Bayan Bayyana Fasukanchi Da Tozarta Addinin Allah Ta Hanyar Bayyana Tsiraichi. ANNABI SAW YACE Akwai Wasu Mutane Yan Wuta Ne Zasu zo Nan Gaba Amma Ban gansu ba Inji Manzon Mu. A Cikin Su Akwai (Kasiyatun Ariyatun) Wasu Mata Da Zasu Dinga Yin Shiga Ga Kaya A Jikin Su Amma Kana Kallon Surar Jikin Su Kamar Tsirara Suke Inji Annabi SAW Wadannan Matan Ko Kamshin ALJANNAH Ba Zasuji Ba …….. Haka ANNABI SAW Yachi Gaba Da Cewa Idan Mun Gansu Mu TSINE MUSU TUNDA ALLAH SWT YA TSINE MUSU. Ina Rokon Allah Ya Shiryi Rahama Sadau Yasa Ta Gane Gaskia Gaskia Ce Ubangiji Ya Bata Ikon Bin Dokokin Allah Tare Da Mu Gaba Daya…

A post shared by MUSTAPHA AHMAD (@alhajisheshe) on Nov 2, 2020 at 9:22am PST

Shi ma furodusa Abubakar Bashir Maishadda cewa ya yi, “A labarin matan da suka daukaka a Kannywood suka samu kudi wallahi babu ke a tarihinsu. Ba kya amfanar da Kannywood da komai in ban da ki rika jawo mana masifa.

 

View this post on Instagram

 

A labarin Matan da suka DAUKAKA A Kannywood suka samu kudi Wallahi Wallahi babu ke a tarihin su. Bakya amfanar da Kannywood da komai in ban da ki dinga jawo mana masifa. Mu masana’antar nan bamu da abin da ya fita. Amma kullum burin ki shine daga kin jiki shiru, sai kiyi tunanin kalato wata masifar da za’a dinga zancen ki. A tunanin ki hakan shine zai sa a dinga maganar ki. To ina so ki sani duk iskanci ki Akwai wadanda Wallahi Wallahi baki isa kiyi irin iskancin da suka yi ba. Amma yanzu sun zama TARIHI kamar babu su. KIN KUNYATA ADDININ KI A IDON DUNIYA! YAU INA FATI MUHAMMAD FATI BAFFA SAFIYA MUSA ABIDA MUHAMMAD UMMI ZEE ZEE ZAINAB RAGA HADIZA KABARA SADIYA GYALE KUBRA DHAKO ZAINAB INDOMIE LATE RABILU MUSA IBRO LATE AHMED S NUHU LATE USAINA TSIGAI HALISA MUHAMMAD MAIJIDDA ABDULKADIR MAIJIDDA IBRAHIM LATE KULU LATE DAN WANZAN Da sauransu??? Shin a cikin wadannan mutanen dana lissafa akwai wacce ko wanda kika kai DAUKAKA? Yau suna ina? Wasu sun koma ga mahaliccin su! Wasu koma sunyi aure! ANYA KINA TUNANIN ZAMA MAHAIFIYAR WASU? ANYA KINA TUNANIN MAKOMAR ZURI’ARKI KO KUMA AHALIN DA ZAKI HAIFA? Ya Allah Mun TUBA Ya Allah ka shiryi DAN MUSULMI. KIN ZAMA KAICO A ADDININ MUSULUNCI! KIN ZAMA KAICO A WAJEN IYAYENKI! KIN ZAMA KAICO A MASANA’ANTAR KANNYWOOD! KIN ZAMA KAICO A WAJEN AL’UMMAR BAHAUSHE! Muna yi miki fatan shiriya idan ke mai shiriya ce, idan kuma ke ba mai shiriya bace muna rokon Allah ya watsa aniyar ki! WALLAHI DUK MUTUMIN DA YAKE DA MUTUNCI BAZAI AURE KI BA.

A post shared by KING OF KANNYWOOD BOX OFFICE (@realabmaishadda) on Nov 3, 2020 at 12:56am PST

Shi ma Adam A. Zango cewa, “Allah Ka shirye ta idan ta yi taubatan nasuhu. Idan ba mai shiriya ba ce, Allah Ka la’ance ta.”

 

View this post on Instagram

 

INNALILLAHI WA’INNA ILAIHI RAJU’UN__ . ALLAH KA NISANTANI DA WADAN DA BASA KISHIN MASOYINA. . KA NISANTANI DA WADDA TA JANYO BATANCI GA MA’AIKIN ALLAH. @rahamasadau . ALLAH KA SHIRYETA IDAN TAYI TUBATUN NASUHA. . ALLAH KA YAYE MATA GIRMAN KAI. . ALLAH KASA TA RINKA KARBAR GYARA CIKIN GAGGAWA. . ALLAH KA DAURATA BISA HANYA MADAIDAICIYA. . IDAN KUMA BA MAI SHIRYUWA BANE ALLAH KA LA’ANCETA. . SHI KUMA WANDA YAYI BATANCI GA SHUGABANMU ALLAH KA NUNA MANA KARSHENSA TUN A DUNIYA TUNDA DAMA CAN TSINANNE NE, ZINDIQI KUMA MISHRIKI. . ALLAH SHIRYEMU KA KARA MANA SON MUHAMMADU RASULULLAH S.A.W

A post shared by WHITE HOUSE FAMILY BOSS_????? (@adam_a_zango) on Nov 3, 2020 at 1:34am PST

Shi ma fitaccen daraktan nan kuma jarumi a masana’antar, Falalu Dorayi ya ce yin shiru yayin da aka aikata wata barna, ita ma barna ce.

“Nasiha da jan hankali ba da tozarci ba, ita ce hanya mafi kyau musulmi ya yi wa dan uwansa musulmi nasiha a kan wata barna da ya ga yana aikatawa.

“Ita dai dabi’ar shigar banza nema take ta zama ruwan dare a al’ummarmu.

“Mace tana da daraja ga rayuwarta da ta al’ummarta ne, dan haka mu tashi wajen nusar dasu kunyarsu da mutuncinsu, domin gyara ‘ya’yanmu masu zuwa a gaba”, a cewar Dorayi.

Aminiya ta kuma ci karo da wasu hotunan bidiyo, inda jarumai irinsu Malam Ibrahim Sharukhan suke mata martani.