’Yan sanda sun bindige dan fashi a Katsina
’Yan Sanda a Jihar Katsina sun kashe wani dan fashi yayin wata arangama a kan babban titin Bakori zuwa Kabomo ranar Talata. Jami’an ’yan sandan a yankin Bakori sun kai dauki ne a inda ’yan fashin suka tare hanya cikin dare sannan suka hallaka dan fashin. An hallaka mutum 5 a Katsina bisa zargin garkuwa […]
’Yan Sanda a Jihar Katsina sun kashe wani dan fashi yayin wata arangama a kan babban titin Bakori zuwa Kabomo ranar Talata.
Jami’an ’yan sandan a yankin Bakori sun kai dauki ne a inda ’yan fashin suka tare hanya cikin dare sannan suka hallaka dan fashin.
- An hallaka mutum 5 a Katsina bisa zargin garkuwa da mutane
- Jami’an tsaro sun ragargaji ’yan bindigar Katsina
Kakakin ’yan sandan jihar, SP Gambo Isah ya shaida wa manema labarai cewa “’da misalin karfe 8:30 na dare wasu ’yan fashi sun tare hanyar Bakori, amma mun farmake muka kashe daya daga cikinsu”.
Ya kara da cewa ragowar sun tsere yayin da aka samu bindiga kirar hannu a wajen wanda aka kashe din.
SP Gambo ya ce tuni rundunar ta fara bincike domin gano inda ragowar suka shiga.