Za a rufe hannu daya na hanyar Legas zuwa Ibadan na tsawon kwana 6

Jami’in Kula da Ayyukan Gwamnatin Tarayya a Jihar Legas, Olukayode Popoola, a ranar Lahadi ya ce za a rufe hannu daya na babbar hanyar Legas zuwa Ibadan na tsawon kwana shida.

Ya ce za a dauki matakin ne don a samu damar kammala aikin a kan lokaci.

• An kai hari gidan kurkuku a Filato
• Tikitin jirgin kasan Kaduna zuwa Abuja ya kai N7,000 a hannun ’yan ka-yi-na-yi

Olukayode, a cikin wata sanarwa ya ce matakin zai ba kamfanin gine-gine na Julius Berger, wanda ke gudanar da aiki a daya daga hannuwan, damar zuba kwalta daga Arepo zuwa Warewa, mai tsawon kilomita daya da rabi.

Jami’in ya kuma ce rufewar za ta shafi hannun da ke zuwa Legas ne kawai.

Ya yi kira ga masu amfani da hanyar da su ba da hadin kai, inda ya ce an tanadi jami’an tsaron da za su rika kula da ababen hawa don kaucewa cunkoso.

“Gwamnatin Tarayya ta himmatu matuka wajen kammala babbar hanyar Legas zuwa Ibadan kafin badi, saboda haka akwai bukatar a kara azama.