Zaben Anambra: Mun magance matsalar BVAS —INEC
INEC ta ce za a ci gaba da tattara sakamakon zaben ranar Lahadi.
Zauren da ake tattara sakamakon zaben daga Babban Ofishin INEC
(Hoto: PTCIJ).
Hukumar Zabe ta Kasa (INEC) ta sanar cewa ta shawo kan matsalar da aka samu na na’urar tantance masu zabe ta BVAS a zaben gwamnan Jihar Anambra.
Kwamishinan Zaben Jihar Anambra, Dokta Nkwachukwu Orji, ne ya sanar da haka ranar Asabar a babban ofishin INEC da ke garin Awka, a yayin jawabinsa na uku kan zaben.
Ya kuma sanar da cewa za a ci gaba da tattara sakamakon zaben a ranar Lahadi da safe a cibiyar tattara sakamakon zaben da ke hedikwatar hukumar da ke jihar.