Zaben fitar da gwanin APC: Fastotin ’yan takara sun yi wa filin zabe tsinke
Fastocin dai na ta kokarin daukar hankalin masu wucewa
Yayin da dandalin Eagle Square, wajen da za a gudanar da zaben fitar da gwanin dan takarar Shugaban Kasa na jam’iyyar APC a zaben 2023 ya fara daukar harami, fastocin masu neman takarar sun mamaye kowane kungu da sako na filin.
’Yan Najeriya dai na jiran daliget din jam’iyyar da za su zaba mata wanda zai yi mata takarar, domin fafatawa da dan takarar PDP, Alhaji Atiku Abubakar.
Fastocin dai na ta kokarin daukar hankalin masu wucewa zuwa wuraren ayyukansu.
Ga wasu daga cikin fastocin ’yan takarar da muka kalato muku daga wajen:
