Jami’in Sibiliyan JTF ya harbi kansa da bindiga a Yobe

Wani jami’in rundunar tsaro ta haɗin gwiwa ta farar hula (CJTF) ya harbi kansa da bindiga bisa kuskure a Jihar Yobe.

Wani jami’in rundunar tsaro ta haɗin gwiwa ta farar hula (CJTF) ya harbi kansa da bindiga bisa kuskure a Jihar Yobe.

Majiyoyin tsaro sun ce jami’in ya samu raunin harbin ne bayan bindigarsa ta kufce masa da misalin ƙarfe 1:00 na dare a ranar Asabar 25 ga Afrilu, 2026, a lokacin da ake kan aiki a Kuraketa da ke Ƙaramar Hukumar Damaturu.

A cewar majiyoyin, jami’in ya saki makaminsa bisa kuskure, wanda ya yi sanadiyyar rauni a ƙafarsa ta dama.

An kwashe shi nan take don neman kulawar likita kuma a halin yanzu yana cikin ƙoshin lafiya.

• Dubun ɗan banga mai yi wa Boko Haram safarar makamai ta cika a Borno
• Gobara ta lalata buhun albasa sama da 5,800 a Sakkwato

Hukumomin sun fara bincike don gano yanayin da ya haifar da lamarin.