Mahaifiyar tsohon Gwamnan Borno Ali Modu Sheriff ta rasu
Za a yi jana’izar mahaifiyar tsohon Gwamnan Borno Ali Modu Sheriff ranar Litinin 1 ga Yuli, 2024
Mahaifiyar tsohon Gwamnan Jihar Borno, Sanata Ali Modu Sheriff ta riga mu Gidan Gaskiya.
Mahaifiyar tsohon gwamnan, Hajja Aisa, ta koma ta Mahaliccinta ne a ranar Lahadi a Maiduguri, babban birnin jihar.
Ta rasu tana da shekaru 93, bayan fana da rashin lafiya.
Sanarwar rasuwar ta bayyana cewa za yi jana’izar Hajja Aisa da Azahar ranar Litinin 1 ga watan Yuli, 2024.
- NAJERIYA A YAU: Abin Da Ke Sa Mutum Ya Fara Tunanin Kashe Kansa
- ’Yan bindiga sun sace hakimi da manoma 2 a Kaduna
Za a yi jana’izar ne a gidant Marigayi Galadima Modu Sheriff d da ke Damboa Road a Maiduguri.
Sanarwar ta kuma roka wa marigayiyar gafara da kuma Aljannatul Firdaus.