Ya hallaka budurwarsa da wuƙa kan cacar-baki
Kwamishinan ya ce rundunar ta kama wani ɗan fashi da makami a jihar.
Rundunar ’Yan Sandan Jihar Delta, ta cafke wani matashi Raphael Egb, ɗan shekara 20 kan zargin daɓa wa budurwarsa mai shekara 19, Jessica Uzowanne wuƙa, kan rashin jituwa da suka samu.
Kwamishinan ‘yan sandan jihar, CP Abaniwonda Olufemi ne, ya bayyana haka ga manema labarai a Asaba.
- Shin Ya Dace Mace Ta Fara Sitta-Shawwal Kafin Biyan Bashin Ramadan?
- Hannatu Musawa ta yi ta’aziyyar rasuwar Jaruma Daso
Ya kuma ce rundunar ta kama wani da ake zargin mai garkuwa da mutane, wanda ya yi wa wata fyaɗe.
Olufemi, ya bayyana cewa wanda ake zargin dan fashi ne da makami da ya addabi yankin Abraka da ke jihar wanda ya ce ya yi wa ɗaya daga cikin waɗanda suka yi fashi fyaɗe.
Kazalika, ya ce rundunar ta sake kama wani Nicholas Charles, wanda ake zargi da kashe wata Ngozi Sharon William.
“Yayin da Ngozi ta kai wa Nicholas ziyara, sai suka samu rashin jituwa tsakaninsu, hakan ya sa ya ɗauko wuƙa tare da daɓa wa matashiyar wanda ya yi sanadiyyar mutuwarta.”